Eftir slitrótta skólagöngu Sigurðar ákvað hann að fara í Myndlista- og handíðaskóla Íslands. Eftir aðeins tveggja og hálfsárs nám í skólanum sagði hann sig úr honum því hann var að mótmæla uppsögn eins kennarans.
Á þessum tíma kynntist Sigurður aðallega verkum samlanda sinna eins og Jón Stefánsson, Gunnlaugur Scheving, Kjarval, Svavar Guðnason og fleirum. Hann umgekkst marga listamenn í hópunum FÍM og Copra á þessum tíma en ákvað síðan halda út í heim. Hann fór til Hollands árið 1963 með íslenskt námslán. Hann komst inn í nýstofnaðan listaskóla Academie ´63 í Harleem og þar var boðið upp á nýstárlega kennslu í myndlist. Til að afla sér framfærslu framleiddi hann glansmyndir og seldi Ameríkönum. Myndirnar voru af borgarlífsmyndum frá París og landlagsmyndum í Ítölskum stíl. Sigurður var fljótur að eyða námslánum sínum og gat hann því ekki lengur ferðast í skólann. Hann sagði að hann hefði verið lélegur námsmaður. Varð hann því að flytja upp í sveit og bjó þar til nokkur skúlptúr og málverk.
Lífsspeki Sigurðar byggist á beinni upplifun náttúrunnar þar sem hann lítur á náttúruna sem alviturt yfirvald með svör við öllu. Hann setur samasemmerki á milli náttúrufegurð og sálarfegurð. Það er að segja því fegurri og betri sem sál hans er því meiri er skynjun hans á náttúrufegurð.
1966 snéri Sigurður aftur heim með Hollenskri konu sinni. Hann tók hér þátt í hópnum SÚM og gerði hann verk sem honum þótti vera falleg eins og að búa til verk úr matvörum.
Sigurður var með sína fyrstu sýningu 15. febrúar 1969. Þar voru bæði lítil þrívíddarverk og málverk. 1970 flytur hann aftur frá Íslandi og er hann þá staðráðinn í því að setjast að í Hollandi og hélt hann þar fyrstu einkasýningu sína 1971. Sigurður gerði margskonar verk. Hann gerði málverk, skúlptúra, gjörninga ljóð og árið 1971 fór hann að nota ljósmyndina mun meira til að skrá kringumstæður eða atburði sem hann tók þátt í. Hann tók einnig ljósmyndir sem hann kallaði ljósmyndaskúlptúra.
Tjáning Sigurðar er mjög einföld og hógvær. Yfirleitt er aðeins til ein ljósmynd um atburðinn sem átti sér stað, en það er þá líka verkið sjálft.
Hann notaði náttúruna mjög mikið. Hann fór bæði út í náttúruna, gerði skúlptúra þar og notaði landslagið og náttúruna í verkið og einnig tók hann náttúruna inn og notaði hana í verkin sín þar. Hann gerði einnig málverk og skúlptúra af náttúrunni og landslaginu. T.d. gerði hann verk árið 1969 sem heitir Landslag (earthquake). Þar tekur hann mold, grjót og gras og gerir skúlptur innan dyra. Hann gerði mjög mörg skemmtileg og áhugaverð verk. Eitt verk sem hann gerði sem mér þótti mjög skemmtilegt heitir A project for the wind. Það er ljósmyndað og er gert úti í náttúrunni. Eins og nafnið gefur til kynna er það unnið með vindinum. Það er bæði teikning og skúlptúr. Þetta eru í rauninni tvö verk og var hann fjóra daga með hvort verkefni. Fyrra verkefnið gerir hann mjög líklega með steinum. Hann fer upp á hæð og snýr bakinu ávallt í vindinn og raðar steinunum í línu. Næsta dag mætir hann aftur og snýr hann alltaf bakinu í vindinn og þar með ræður vindurinn hvert steinarnir liggja og mynda þeir teikningu. Þetta gerir hann í fjóra daga. Það sama gerir hann með skúlptúrinn nema hann notar spítur og neglir þær á eina upprétta spítu og snýr hann einnig þar alltaf bakinu í vindinn og þar með ákveður vindurinn hvernig skúlptúrinn lítur út. Mjög skemmtilegt verk. Hann notar sjálfan sig mikið í verkunum. Eins og á myndinni hér að ofan sem hann gerði 1980-1981 og heitir það Fjall. Þar notar hann sjálfan sig, náttúruna og hluti úr daglega lífinu það er að segja skó, brauð og bækur. Ég gæti endalaust skrifað um þennan frábæra listamann og hvet ég ykkur eindregið að skoða bækurnar um hann. Sigurður Guðmundsson og Sigurður Guðmundsson Situations. Hann hefur haldið mikið af sýningum, bæði einka- og samsýningar út um allan heim. T.d. á Íslandi, Svíþjóð, Hollandi, Kína, Noregi og fleiri löndum.
Heimildirnar sem ég notaði:
Sigurður Guðmundsson. 1991. Sigurður Guðmundsson. Mál og menning, Reykjavík
Skemmtileg kynning Svana, ég verð að viðurkenna það að ég vissi ekki neitt um þennan listamann en það er greinilega að hann hefur verið skemmtilegur karakter og nokkuð skapstór eins og algengt er með listamenn. Gaman að lesa um það þegar hann hættir í skóla bara til að mótmæla uppsögn eins kennarans. Mér finnst áhugavert að lesa það sem hann sagði um sálina og náttúruna. Það smellpassar ef hugsað er um það, eftir því sem að sálin er hreinni því fallegri er skynjun einstaklingsins á náttúrunni í kringum hann. Líka áhugavert hvernig hann setur sjálfan sig inn í listsköpun sína með náttúrunni eins og með vindinn, leyfir honum að ráða hvernig listaverkið þróast. Takk fyrir þessa kynningu Svana, alltaf gaman að lesa um skemmtilega listamenn sem lítið hefur verið fjallað um.
SvaraEyðaEitt hérna í viðbót... Sigurður hefur verið nokkuð frumlegur miðað við sinn tíma, eins og að búa til listaverk úr matvörum og að vera hluti af listaverkinu, sjá mynd hér að ofan...kveðja
SvaraEyðaMjög skemmtileg kynning Svana. Sérstaklega hrifin af því hvernig þú orðar lífsspeki Sigurðar.
SvaraEyðaÉg er sammála Sigrúnu að hann hefur verið frumlegur miðað við sinn tíma, þetta verk með honum sjálfum í finnst mér frekar nútímalegt, sá verk svipað þessu á sýningu í Myndlista og handíðaskólanum nema þá lágu nemendur á milli dýna á þröngum gangi og maður tók ekki eftir þeim nema að þau hreyfðu sig. Ég tók ekki heldur eftir honum þarna á milli fyrr en eftir að hafa lesið umfjöllun þína.
SvaraEyðakv. sdis
Hugmyndalist Sigurðar er ótrúlega skemmtileg.
SvaraEyðaVerkið "Fjall" sýnir hálfgerðan þarfapíramída og er gott dæmi um verk til að kynna hugmyndalist fyrir eldri nemendum.
Kv.
Sólveig
Takk kærlega fyrir góða kynningu Svana Björk! Ég held lífsspekin felist einmitt í orðum Sigurðar þetta með náttúrufegurðina og sálarfegurðina. Fegurð sálarinnar hlítur að vera draumur hverrar manneskju frekar en einhver titill úr fegurðarsamkeppni. Enda hefur þessi innrisálarfegurð þann eiginleika að veita útgeislun sem síðar endurspeglast í skynjun okkar á náttúrufegurðinni. Ég er sammála öðrum sem hafa skrifað athugasemdir, að húmor Sigurðar er hrein snilld, hann er ótrúlega frjór og hugmyndir hans koma sífelt á óvar. Takk fyrir kærlega, Anna Snædís
SvaraEyðaFlott kynning Svana :) Ég verð að segja eins og Sigrún að ég vissi ekki mikið um þennan listamann. Hann hefur greinilega verið mjög hugmyndaríkur og skemmtilegur! Lífsspekin hans er mjög áhrifamikil og fær mann til þess að hugsa um allt það góða í kringum sig! Held að það væri gott að kynna þennan listamann fyrir nemendum, bæði verkin hans og ekki síður lífsspekina. Held það hefði bara jákvæð áhrif á nemendur!
SvaraEyðaKveðja, Sóldís
Takk fyrir.
SvaraEyðaSpennandi þessi hugsun um sálina og fegurð náttúrunar. Fjall með sál? Svo eru það allar þessar bækur eins og holdið og andinn hverf inn í náttúruna án þess að vera eitthvað trúarlegt eða upphafið. Svo ber verkið með sér andblæ glaða vorsins. Listamaður úti á túni.
Sigurður er mjög skemmtilegur listamaður og verkin hans eru mjög svo húmórísk.
SvaraEyðaÉg vildi benda ykkur á það að það er nýbúið að afhjúpa nýtt verk eftir hann hér á Djúpavogi en hann hefur mikið verið að vinna með slípað grjót á síðustu árum eins og verkið við Höfða. En fyrirmyndin af verkinu "Eggin í Gleðivík" er sótt til náttúrunnar, verkið samanstendur af 34 fuglseggjum sem eru táknræn fyrir þær fuglategnundir sem verpa á svæðinu. Listaverkið má sjá hér: http://www.djupivogur.is/adalvefur/?id=14759
Kveðja
Ragnhildur